తెలుగు తెరకు ఎన్నో సూపర్ హిట్ చిత్రాలను అందించిన ప్రముఖ దర్శక నిర్మాత పి.ఎన్. రామచంద్రరావు కొంత విరామం తర్వాత రూపొందించిన పాన్ ఇండియా సినిమా “పహల్గాం లవ్ స్టోరీ”. ఈ సినిమాను గాయత్రి కళా చిత్ర బ్యానర్ పై పి.ఎన్. రామచంద్రరావు నిర్మించి దర్శకత్వం వహించారు. ఇంటెన్స్ పేట్రియాటిక్ యాక్షన్ థ్రిల్లర్ గా తెరకెక్కిన ఈ సినిమాలో కృష్ణ మోహన్, చిత్రశుక్ల హీరో హీరోయిన్స్ గా నటించారు. సుమన్, పూజా బిస్త్, జయప్రకాష్ నారాయణ ఇతర కీలక పాత్రలు పోషించారు. అన్ని కార్యక్రమాలు పూర్తి చేసుకున్న ఈ సినిమా ఈ నెల 21న గ్రాండ్ థియేట్రికల్ రిలీజ్ కు రెడీ అవుతోంది.
తాజాగా ఈ చిత్ర ఫస్ట్ లుక్ పోస్టర్ ను మేకర్స్ రిలీజ్ చేశారు. ఈ ఫస్ట్ లుక్ పోస్టర్ సినిమా మీద ఆసక్తి పెంచుతోంది. జమ్ము కాశ్మీర్ లోని బ్యూటిఫుల్, అరుదైన లొకేషన్స్ లో ఈ సినిమాను తెరకెక్కించడం విశేషం. మనసుకు హత్తుకునే రొమాంటిక్ లవ్ స్టోరీని చూపిస్తూనే దేశభక్తి, జాతీయ సమైక్యత వంటి అంశాలను మేళవించి ఈ సినిమాను ప్రేక్షకులు థియేటర్స్ లో ఎక్సిపీరియన్స్ చేయబోతున్నారు. “పహల్గాం లవ్ స్టోరీ” కేవలం వినోదం కోసం రూపొందించిన సినిమా మాత్రమే కాదు, మనందరిలో దేశభక్తిని మేల్కొలిపే ఒక జాతీయ సమస్యను ఈ సినిమాలో చూపిస్తున్నాం అని చెబుతున్నారు దర్శక నిర్మాత పి.ఎన్. రామచంద్రరావు.
నటీనటులు – కృష్ణమోహన్, చిత్రశుక్ల, సుమన్, పూజా బిస్త్, జయప్రకాష్ నారాయణ, తదితరులు