నరేష్ అగస్త్య, ఫరియా అబ్దుల్లా జంటగా నటిస్తున్న చిత్రం ‘గుర్రం పాపిరెడ్డి’. వెను సడ్డి, అమర్ బురా, జయకాంత్ (బాబీ) నిర్మిస్తున్న ఈ చిత్రం. డార్క్ కామెడీ కథతో సిద్ధమవుతోంది. ఇవాళ (సోమవారం) ‘గుర్రం పాపిరెడ్డి’ సినిమా టీజర్‌ను హైదరాబాద్‌లో గ్రాండ్‌గా లాంఛ్ చేశారు. ఈ కార్యక్రమంలో హాస్యబ్రహ్మ బ్రహ్మానందం, సౌత్ ఇండియన్ కామెడీ సూపర్ స్టార్ యోగిబాబుతో పాటు మూవీ టీమ్ మెంబర్స్ పాల్గొన్నారు. ఈ సందర్భంగా హాస్యబ్రహ్మ బ్రహ్మానందం మాట్లాడుతూ.. ‘‘గుర్రం పాపిరెడ్డి’ సినిమా నాకొక స్పెషల్ మూవీ అని చెప్పగలను. ఎందుకంటే యంగ్ స్టర్స్ అంతా కలిసి ఈ సినిమాను రూపొందించారు. ఈ చిత్రంలో జడ్జి పాత్రలో నటించాను. దర్శకుడు మురళీ మనోహర్ సినిమా అంటే ప్యాషన్ ఉన్నవాడు. నన్ను ఈ మూవీలో డిఫరెంట్‌గా చూపించాడు. ప్రభాస్ శ్రీను, రాజ్ కుమార్ కాసిరెడ్డి, జీవన్ కుమార్ వీళ్లతో పాటు నేను మిమ్మల్ని నవ్వించేందుకు ప్రయత్నించాను. అలాగే యోగిబాబు ఈ మూవీకి స్పెషల్ అట్రాక్షన్. ఇవాళ తమిళ చిత్ర పరిశ్రమలో యోగిబాబుకు ఉన్న క్రేజ్ ఎలాంటిదో మనకు తెలుసు. ఇటీవల యోగిబాబు హీరోగా నటించిన ఓ కన్నడ చిత్రంలో నేను నటించాను. ఆయన బయట చాలా కామ్‌గా ఉంటారు. ఒక ఫ్రెష్ నెస్ వస్తుంది. మంచి కామెడీతో సాగే థ్రిల్లర్ మూవీ ఇది. హీరో నరేష్, హీరోయిన్ ఫరియా సహా “గుర్రం పాపిరెడ్డి” సినిమా టీమ్ అందరికీ ఆల్ ది బెస్ట్ చెబుతున్నా. అన్నారు.
సౌత్ ఇండియన్ కామెడీ సూపర్ స్టార్ యోగిబాబు మాట్లాడుతూ.. “మా హీరో నరేష్, హీరోయిన్ ఫరియా, ప్రొడ్యూసర్స్, డైరెక్టర్ సహా మా టీమ్ అందరికీ నా విశెస్ చెబుతున్నా. బ్రహ్మానందం గారితో కలిసి నటించడం మంచి ఎక్సిపీరియన్స్ ఇచ్చింది. నేను చేసిన సార్ మేడమ్ సినిమాను తెలుగు ఆడియెన్స్ బాగా ఆదరిస్తున్నారు. ఈ చిత్రంలో కూడా మంచి క్యారెక్టర్ చేశాను. మీ అందరినీ ఎంటర్‌టైన్ చేసేలా ఆ పాత్ర ఉంటుంది’’ అన్నారు. హీరోయిన్ ఫరియా అబ్దుల్లా మాట్లాడుతూ.. “ఈ చిత్రంలో సౌదామిని అనే పాత్రలో నటించాను. బ్రహ్మానందం, యోగి బాబు వంటి పెద్దలతో కలిసి నటించడం హ్యాపీగా ఉంది. ఈ సినిమా నేను ఒప్పుకునేందుకు నరేష్ అగస్త్య ఒక రీజన్. ఇలాంటి మంచి నటుడితో మూవీ చేయాలని అనిపించేది. ఈ సినిమాలో నటించేప్పుడు ప్రొడ్యూసర్స్ మమ్మల్ని ఒక ఫ్యామిలీ మెంబర్ లా చూసుకున్నారు. మా మదర్ ఈ చిత్రంలో చిన్న అతిథి పాత్రలో నటించింది. ఈ సినిమాకు వర్క్ చేయడం సూపర్ ఎగ్జైట్ మెంట్ ఇచ్చింది. ఇందులో ఒక సాంగ్ చేస్తున్నా, ఆ పాట స్పెషల్‌గా ఉంటుంది’’ అన్నారు.
హీరో నరేష్ అగస్త్య మాట్లాడుతూ.. “ఈ సినిమాలో నేను హీరో అంటున్నారు గానీ నేనొక్కడినే కాదు ప్రతి ఒక్క క్యారెక్టర్ కు ఇంపార్టెన్స్ ఉంటుంది. బ్రహ్మానందం, యోగి బాబు గారి లాంటి స్టార్స్ తో వర్క్ చేయడం హ్యాపీగా ఉంది. ఇలాంటి డిఫరెంట్ క్యారెక్టర్ నేను ఇప్పటిదాకా చేయలేదు’’ అన్నారు. డైరెక్టర్ మురళీ మనోహర్ మాట్లాడుతూ.. “ఈ మూవీ అనుకున్నప్పుడు జయకాంత్ ముందుండి, వేణు, అమర్ , సంధ్య గారిని ప్రాజెక్ట్‌లోకి తీసుకొచ్చారు. ఈ సినిమాకు ప్రతి ఒక్కరూ ఇన్వాల్వ్ అయి పనిచేశారు. నరేష్, ఫరియా నుంచి దాదాపు 9 మంది టాప్ ఆర్టిస్టులు ఈ మూవీకి కంప్లీట్‌గా సపోర్ట్ చేశారు. వాళ్లందరి సపోర్ట్ వల్లే సినిమా అనుకున్నట్లుగా సరైన టైమ్‌లో కంప్లీట్ చేశాం. బ్రహ్మానందం క్యారెక్టర్ ద్వారానే కథ నెరేట్ అవుతుంది. ఆయన ద్వారానే ఈ పాత్రలన్నీ పరిచయం అవుతాయి’’ అన్నారు.
ప్రొడ్యూసర్ జయకాంత్ మాట్లాడుతూ.. ‘‘ తెలుగులో వస్తున్న డిఫెరంట్ డార్క్ కామెడీ చిత్రమిది. సినిమా మొత్తం జాయ్ రైడ్ లా ఉంటుంది. నేను మురళీ ఈ మూవీని స్టార్ట్ చేశాం. బడ్జెట్ కొంచెం ఎక్కువైంది. అప్పుడు వేణు, అమర్ ముందుకొచ్చి మనం ఎంత బడ్జెట్ అయినా చేద్దాం అని సపోర్ట్ చేశారు. సంధ్యక్క లేకపోతే ఈ మూవీ కంప్లీట్ అయ్యేది కాదు’’ అన్నారు. ప్రొడ్యూసర్ అమర్ బురా మాట్లాడుతూ.. ‘‘మేము ఐటీ బ్యాక్ గ్రౌండ్ నుంచి వచ్చాం. వేణుకు నాకు సినిమా మేకింగ్ మీద ప్యాషన్ ఉండేది. మన డ్రీమ్ ను ఎందుకు ఫుల్ ఫిల్ చేసుకోకూడదు అని ఈ సినిమా నిర్మాణంలో భాగమయ్యాం. సినిమా బాగా వచ్చింది. నరేష్ అగస్త్యకు “గుర్రం పాపిరెడ్డి” సినిమా టర్నింగ్ పాయింట్ అవుతుంది. కామెడీ మూవీని బ్రహ్మానందం గారు, యోగి బాబు గారు లేకుండా ఊహించలేం. వారిద్దరు మా సినిమాలో నటించడం సంతోషంగా ఉంది. అలాగే చిట్టిగా మనకు చాలా దగ్గరైన ఫరియా మా మూవీతో మరింత మంచి పేరు తెచ్చుకుంటుంది. మా డైరెక్టర్ మురళీ మనోహర్ ప్రతిభావంతుడు. సిల్వర్ స్క్రీన్ మీద ‘గుర్రం పాపిరెడ్డి’తో త్వరలోనే ఒక మ్యాజిక్ చూస్తారు’’ అన్నారు.
ప్రజావాణి చీదిరాల