దక్షిణాది సినిమాల పరంగా ప్రతి ఏటా ‘సౌత్‌ ఇండియన్‌ ఇంటర్నేషనల్‌ మూవీ అవార్డ్స్‌’ (SIIMA) వేడుకకు రంగం సిద్ధమైంది. సైమా అవార్డ్స్‌లో భాగంగా గత ఏడాది బాక్సాఫీస్‌ను షేక్ చేసిన చిత్రాలు వివిధ కేటగిరీల్లో నామినేషన్స్ దక్కించుకున్నాయి. ఈ క్రమంలోనే పలు దక్షిణాది భాషల్లో నామినేట్ అయిన సినిమాల జాబితాను నేడు (బుధవారం) సైమా ప్రకటించింది. టాలీవుడ్ విషయానికి వస్తే టాప్‌లో ‘పుష్ప2’ నిలిచింది. ఏకంగా 11 నామినేషన్స్‌తో ఈ చిత్రం టాప్‌లో నిలిచింది. అల్లు అర్జున్ ప్రధాన పాత్రలో నటించిన ఈ చిత్రం సెన్సేషన్ క్రియేట్ చేసింది. దీని తర్వాతి స్థానంలో ‘కల్కి’ చిత్రం నిలిచింది.
ప్రభాస్‌-నాగ్‌ అశ్విన్‌ కాంబోలో వచ్చిన ‘కల్కి2898 ఏడీ’ మంచి సక్సెస్‌ను సొంతం చేసుకుంది. ఈ చిత్రం 10 నామినేషన్స్‌తో రెండో స్థానంలో నిలిచింది. ఇక దీనికి సమానంగానే తేజ సజ్జా-ప్రశాంత్‌ వర్మల బ్లాక్‌బస్టర్‌ ‘హను-మాన్‌’ కూడా 10 నామినేషన్స్ దక్కించుకుంది. తమిళం విషయానికి వస్తే శివకార్తికేయన్ నటించిన బ్లాక్ బస్టర్ హిట్ చిత్రం ‘అమరన్’ ఏకంగా 13 నామినేషన్స్‌తో టాప్‌లో నిలిచింది. దీని తర్వాత ‘లబ్బర్ పందు’ 8 నామినేషన్స్.. ‘వాళ్లై’ 7 నామినేషన్స్ దక్కించుకుంది. కన్నడలో ‘భీమా’ 9.. కృష్ణ ప్రణయ సఖి 9.. ఇబ్బని తబ్బిడ ఇలియాలి 7 కేటగిరీల్లో పోటీ పడుతున్నాయి. మలయాళం విషయానికి వస్తే పృథ్వీరాజ్‌ సుకుమారన్‘ఆడుజీవితం’ 10..‘ఏఆర్‌ఎం’ 9, ‘ఆవేశం’ 8 నామినేషన్స్‌ను దక్కించుకున్నాయి.
