సినిమా: లైలా
నటీనటులు: విశ్వక్సేన్, ఆకాంక్ష శర్మ, అభిమన్యు సింగ్, పృథ్వీ, మిర్చి కిరణ్ తదితరులు
సంగీతం: లియోన్ జేమ్స్
ఛాయాగ్రహణం: రిచర్డ్ ప్రసాద్
రచన: వాసుదేవ మూర్తి
నిర్మాత: సాహు గారపాటి
దర్శకత్వం: రామ్ నారాయణ్
కథ:
హైదరాబాద్ ఓల్డ్ సిటీలో సోను (విశ్వక్సేన్) తన తల్లి వారసత్వంగా వచ్చిన బ్యూటీ పార్లర్ నడిపిస్తూ ఉంటాడు.
అతనికి మంచి లేడీ ఫాలోయింగ్ ఉంటుంది. అయితే, కొందరికి ఇది అసహ్యంగా ఉంటుంది.
ఇదే సమయంలో, రుస్తుం (అభిమన్యు సింగ్) అనే రౌడీతో వివాదం తలెత్తుతుంది.
పరిస్థితులు మరింత తీవ్రంగా మారి, సోను ఒక స్కాంలో ఇరుక్కుంటాడు. తనను ఎవ్వరూ గుర్తించకుండా ఎలా దాగాడు?
ఈ సమస్యలను ఎలా పరిష్కరించుకున్నాడు? అనేదే సినిమా మిగతా భాగం.
విశ్లేషణ:
ఈ చిత్రంలో కొన్ని డైలాగులు అశ్లీలంగా ఉండటమే కాకుండా, హాస్యాన్ని కూడా నాశనం చేశాయి. కొంతమంది పాత్రధారుల సంభాషణలు అసహ్యంగా అనిపిస్తాయి.
కథలో నూతనత అనేది లేకుండా, సన్నివేశాలు, హాస్యం, నటన అన్నీ కృత్రిమంగా అనిపిస్తాయి.
ముఖ్యంగా విశ్వక్సేన్ ఇంతకుముందు సినిమాలతో పోలిస్తే, ఈ సినిమాలో కంటెంట్ లేమి స్పష్టంగా కనిపిస్తుంది.
నటీనటులు పెర్ఫార్మెన్స్ :
విశ్వక్సేన్ తన పాత్రకు సరిపోయే ప్రయత్నం చేశాడు. కానీ, కథలోని బలహీనతల కారణంగా అతని నటన ఆకట్టుకునేలా అనిపించదు.
ఆకాంక్ష శర్మను కేవలం గ్లామర్ డాల్‌గా చూపించడానికి మాత్రమే ప్రయత్నించారు.
అభిమన్యు సింగ్ పాత్ర బలహీనంగా రూపొందించబడింది. పృథ్వీ, ఇతర నటీనటులు అంతగా ప్రభావం చూపించలేకపోయారు.
సంగీతం పరంగా, లియోన్ జేమ్స్ ఆల్బమ్ పాసివ్‌గా సాగిపోయింది. నేపథ్య సంగీతం మాత్రమే కొంత బాగుంది.
కెమెరా వర్క్ పర్వాలేదనిపించినా, దర్శకత్వం మాత్రం నిరాశపరిచింది.
కొన్ని సన్నివేశాలను మౌళికంగా తెరకెక్కించాల్సిన అవసరం ఉండగా, అవి అసహ్యంగా మిగిలిపోయాయి.
చివరి మాట:
‘లైలా’ ఒక కథా, కథనాల పరంగా నిరాశపరిచే సినిమా.
మాస్ ఎంటర్‌టైనర్ పేరుతో సందర్భంలేని హాస్యం, అసందర్భమైన సన్నివేశాలు సినిమాలో చిరాకు పుట్టిస్తాయి.
రేటింగ్: 2/5
సంజు పిల్లలమర్రి