తెలుగుతో పాటు తమిళంలో పలు చిత్రాల్లో నటించి హీరో నవీన్ చంద్ర మంచి గుర్తింపు తెచ్చుకున్నాడు.
ప్రస్తుతం ‘28°C’తో ప్రేక్షకుల ముందుకు వచ్చేందుకు సిద్ధమవుతున్నాడు.
ఎమోషనల్ థ్రిల్లర్ లవ్ స్టోరీగా రూపొందిన ఈ చిత్రాన్ని అనిల్ విశ్వనాథ్ తెరకెక్కించారు.
వీరాంజనేయ ప్రొడక్షన్స్ బ్యానర్‌పై యంగ్ ప్రొడ్యూసర్ సాయి అభిషేక్ నిర్మించారు.
ఈ చిత్రం ఈ నెల 4న విడుదల కానున్న నేపథ్యంలో హీరో నవీన్ చంద్ర మీడియాతో ముచ్చటించారు.
‘‘28 డిగ్రీల టెంపరేచర్ లో తన జీవిత భాగస్వామిని కాపాడుకునే వ్యక్తి కథ ఇది.
ఈ క్రమంలో ఆ జంట చేసిన ఎమోషనల్ జర్నీ థ్రిల్లింగ్ ఎలిమెంట్స్‌తో ఆసక్తికరంగా సాగుతుంది.
వినగానే ఈ కథ కొత్తగా ఉందని అనిపించింది. ఈ మూవీలో నేను తప్ప మిగతా అంతా కొత్త వాళ్లే.
‘28°C’ సినిమా రెండు ప్రాంతాల్లో జరుగుతుంది. ఒకటి వైజాగ్, రెండోది జార్జియా.
జార్జియా వెళ్లినప్పుడు కూడా రెండుసార్లు రిజెక్ట్ అయి వెనక్కి వచ్చాం.
ఆ తర్వాత లోకల్‌గా ఈ వార్త బాగా ప్రచారం కావడంతో మళ్లీ చిత్రీకరణకు పర్మిషన్ ఇచ్చారు.
మెడికల్ కాలేజ్ స్టూడెంట్స్ అయిన కార్తీక్, అంజలి ప్రేమించుకుని పెళ్లి చేసుకుంటారు. వాళ్లిద్దరు డాక్టర్స్ గా సెటిల్ అవుతారు.
అయితే అంజలికి అనారోగ్య సమస్య వల్ల ఆమెను 28 డిగ్రీ టెంపరేచర్ లోనే చూసుకోవాలి. ఇలా నిజంగా ఎవరికీ జరగదు.
పుస్తకాల్లో ఉన్న ఒక థియరీని తీసుకుని దాన్ని సినిమాటిక్ గా మలిచారు మా డైరక్టర్.
ఈ సినిమాలో మెడికల్ టర్మ్స్ చాలా డీటెయిల్డ్ గా రాశారు.
ఏ హీరోకైనా సక్సెస్, ఒక మార్కెట్ ఉండాలి. లేకుంటే ఆయన సినిమాల రిలీజ్‌లకు ఇబ్బందులు తప్పవు.
ఆ టైమ్ లో నా మూవీస్ కొన్ని ఆడకపోవడం వల్ల “28°C” సినిమాకు బిజినెస్ జరగలేదు. అప్పటికి థ్రిల్లర్ జానర్ మూవీస్ ఇంతగా లేవు.
ఇది లవ్ అండ్ థ్రిల్లర్ కాబట్టి సినిమా ఎవరికి చూపించినా కొన్ని ఛేంజెస్ చెప్పేవారు.
మార్పులు చేర్పులు చెబుతూ డైరెక్టర్ గారిని చాలా ఇబ్బంది పెట్టారు.
పొలిమేర సక్సెస్ తర్వాత ప్రొడ్యూసర్, డిస్ట్రిబ్యూటర్ వంశీ నందిపాటి గారు ‘28°C’ సినిమా చూసి తాను రిలీజ్ చేస్తానంటూ ముందుకొచ్చారు.
అరవింద సమేత వీర రాఘవలో నేను చేసిన క్యారెక్టర్ కు చాలా మంచి పేరొచ్చింది. నా కెరీర్ కు టర్నింగ్ పాయింట్ అయ్యింది.
ఇప్పుడు అదే బ్యానర్ లో రవితేజ హీరోగా నటిస్తున్న మాస్ జాతర చిత్రంలో ఓ సరికొత్త క్యారెక్టర్ లో నన్ను చూస్తారు.
ప్రజావాణి చీదిరాల
Also Read This : గృహ హింస కేసు నుంచి విముక్తి కల్పించండి: హన్సిక
