ఎవరైనా ఏదైనా వ్యాపారం చేయాలనుకునేవారు శుభకార్యంతో తమ పని మొదలెడతారు. క్యాటరింగ్‌ చేస్తాం అని బోర్డ్‌ పెట్టి ఆరు నెలలైనా ఒక్క ఈవెంట్‌ రాలేదు వీళ్లకి. అప్పుడొచ్చిన తొలి ఈవెంట్‌ ఒక దినానికి క్యాటరింగ్‌ చేయాలని. ఆ ఆర్డర్‌ ఇచ్చిన వ్యక్తి మీరు ప్రారంభించిన ఈ క్యాటరింగ్‌ దినంతో మొదలు పెట్టాలా? అనే సందేహం ఉంటే చేయొద్దు. నేను ఎవరితో ఒకరితో చేయించుకుంటాను అన్నారు ఆ ఈవెంట్‌ అప్పచెప్పిన డాక్టర్‌గారు. మాకు అన్నం పెట్టే ఈవెంట్‌ ఏదైనా మాకు శుభకార్యమే అంటూ వారు తమ క్యాటరింగ్‌ని ప్రారంభించారు. ఆ దినంతో మొదలైన వారి వ్యాపారం ఈ రోజు ‘వివాహ భోజనంబు’ వంటి పెద్ద రెస్టారెంట్‌లా మారి హైదరాబాద్‌ జూబ్లిహిల్స్‌లో ఒన్‌ ఆఫ్‌ ది ఫైన్‌ రెస్టారెంట్‌లా పేరు తెచ్చుకుంది.
‘వివాహ భోజనంబు’ హోటల్‌ అనగానే మనకు హీరో సందీప్‌ కిషన్‌ గుర్తుకు వస్తారు. ఎందుకంటే ఆ హోటల్‌ను తాను అంతగా ఓన్‌ చేసుకుని ప్రమోట్‌ చేశారు. వివాహ భోజనంబు మేనేజింగ్‌ ప్రొప్రైటర్‌ రవిరాజుతో ట్యాగ్‌తెలుగు యూట్యూబ్‌ ఛానల్‌ బిజినెస్‌ పాడ్‌కాస్ట్‌ ఇంటర్వూ చేసింది. ఈ పాడ్‌కాస్ట్‌లో రవిరాజు చెప్పిన విషయాలు హోటల్‌ బిజినెస్‌లో ఉన్న ప్లస్‌లు, మైనస్‌లతోపాటు ఒకరోజు 12 లక్షల లాభం వస్తే మరో రోజు 18 లక్షల నష్టం ఎందుకొచ్చింది? ఇలాంటి అనేక విషయాలను చాలా ఇంట్రెస్టింగ్‌గా చెప్పారు. మీరు ఓ లుక్కేయండి…ఇంటర్వూ బై శివమల్లాల
Also Read This :ఉగాది సంధర్భంగా పూణే లో సాయి కుమార్ కి అవార్డు
