Vijay Devarakonda :

మళ్లీ విజయ్ దేవరకొండ బోల్డ్ స్టేట్ మెంట్

హీరో విజయ్ దేవరకొండ మళ్లీ బోల్డ్ స్టేట్ మెంట్ ఇచ్చాడు. రూ.200 కోట్ల కలెక్షన్ సాధించే సినిమా చేస్తానని ప్రకటించాడు. ఇలా చెప్పడం తన బలుపు, అహంకారం అనుకున్నా సరే అని తెగేసి చెప్పాడు.

గతంలోనూ విజయ్ ఇలాంటి స్టేట్ మెంట్లే ఇచ్చి వివాదాలు కొనితెచ్చుకున్న విషయం తెలిసిందే.

లైగర్ సినిమా విడుదలకు ముందు ఇచ్చిన స్టేట్ మెంట్ తోనైతే ఎన్నో విమర్శల పాలయ్యాడు.

ఆ సినిమా డిజాస్టర్ కావడం వల్ల కూడా ఈ విమర్శలకు బలం చేకూరినట్లయింది. అయితే ఆ లైగర్ ఇచ్చిన షాక్ నుంచి కోలుకున్నాడేమో.. మళ్లీ తన సహజశైలిలో మాట్లాడాడు.

ఆయన హీరోగా, మృణాల్ ఠాకూర్ హీరోయిన్‌గా.. సక్సెస్ ఫుల్ ప్రొడ్యూసర్ దిల్ రాజు టాలెంటెడ్ డైరెక్టర్ పరశురామ్ కాంబినేషన్‌లో రూపొందిన చిత్రం ‘ఫ్యామిలీ స్టార్’ ప్రీ రిలీజ్ వేడుక సందర్భంగా విజయ్ మాట్లడాడు.

‘‘ఆరేళ్ల కిందట నా కెరీర్‌లో బిగ్గెస్ట్ బ్లాక్ బస్టర్ ‘గీత గోవిందం’ ఇదే డైరెక్టర్‌తో చేశాను.

ఆ రోజులు వేరు. కొత్తగా ఇండస్ట్రీకి వచ్చి వరుసగా సూపర్ హిట్స్ ఇస్తున్నాడని నా గురించి మాట్లాడుకున్నారు.

నా మొదటి సినిమా ‘పెళ్లి చూపులు’ టైమ్‌లో మీ గురించి మీరు వినాలని అనుకుంటున్న పెద్ద గాసిప్ ఏంటని అడిగితే.. నా సినిమా 100 కోట్ల రూపాయలు వసూళ్లు చేసినట్లు న్యూస్ చూడాలి అన్నాను.

అప్పటికి అది నా బిగ్గెస్ట్ డ్రీమ్. ఆ డ్రీమ్ నా నాలుగో సినిమాకే నిజమైంది. ‘గీత గోవిందం’ వంద కోట్ల రూపాయల వసూళ్లు చేసింది. ఆ తర్వాత అలాంటి మూవీ నాకు దక్కలేదు.

వంద కోట్ల రూపాయల వసూళ్ల సినిమా అందుకోవాలి అని చెప్పిన కుర్రాడు.. తన మరో సినిమా రెండు వందల కోట్ల రూపాయల కలెక్షన్ చేస్తుందని చెప్పాడు.

కానీ అందుకోలేకపోయాడు. అలా ఎందుకు స్టేట్ మెంట్ ఇచ్చావు అని నాతో చాలా మంది అన్నారు.

నీ వయసు హీరో అలా మాట్లాడితే అహంకారం అనుకుంటారు అని ప్రేమతో నాకు చెప్పిన పెద్దవాళ్లున్నారు.

రెండు వందల కోట్ల రూపాయల కలెక్షన్ సినిమా చేస్తానని చెప్పడం తప్పు కాదు.

అలా చెప్పి కొట్టకపోవడం తప్పు. కానీ ఎవరు ఎన్ని అనుకున్నా… రెండు వందల కోట్ల రూపాయల వసూళ్ల సినిమా చేస్తా.

ఇది బలుపు, అహంకారం అనుకున్నా సరే. కానీ ఇది నా మీద నాకున్న నమ్మకం, విశ్వాసం.

నేను ఉదయం లేచినప్పడు, షూటింగ్‌కు వెళ్లినప్పుడు, ఈ వేదిక మీద మాట్లాడేప్పుడు అదే కాన్ఫిడెన్స్‌తో ఉంటా.

ఇంకొకరు స్టార్ కాగాలేనిది మనం కాలేమా? మీరు కాలేరా?

ఇంకొకరు రెండు వందల కోట్ల రూపాయల కలెక్షన్స్ కొట్టగా లేనిది నేను ఆ ఫీట్ సాధించలేనా? ‘పెళ్లి చూపులు’ నుంచి ‘ఫ్యామిలీ స్టార్’ వరకు నేను చేసిన ప్రతి సినిమా ఏదో కొత్త విషయాన్ని నేర్పించింది.

ఇదొక జర్నీ.ఎన్నో ఇబ్బందులు, ఆటంకాలు, అవమానాలు ఎదురవుతుంటాయి. అవన్నీ దాటుకుని మనం అనుకున్నది సాధించాలి.

మనకు మన గోల్ మాత్రమే కనిపించాలి. నేను అలాగే అనుకుంటా.

అదే నమ్మకంతో పనిచేస్తుంటా. మీలో చాలా మంది యాక్టర్స్, బిజినెస్ మెన్, డైరెక్టర్స్, కంటెంట్ క్రియేటర్స్.. ఇలా ఏదో ఒకటి సాధించాలని అనుకుంటారు.

ఆ కల నెరవేర్చుకునేందుకు ప్రయత్నించండి. నేను నా మొదటి సినిమా ప్రీ రిలీజ్‌లోనే చెప్పాను. తలెత్తుకోండి, హ్యాపీగా ఉండండి.

నా జర్నీలో ఫ్యామిలీ స్టార్ ఒక ఇంపార్టెంట్ స్టాప్. పరశురామ్ నాకు ఈ కథ చెప్పినప్పుడు మా నాన్న గుర్తుకువచ్చాడు.

మాకు కష్టాలు తెలియకుండా కష్టపడ్డారు నాన్న. ఆయన మా ఫ్యామిలీ స్టార్.

యూకే వెళ్లి మా అందరికీ సపోర్ట్‌గా నిలిచిన మామయ్య, తమ్ముడిని యూఎస్ పంపేందుకు హెల్ప్ చేసిన మా దుబాయ్ అన్నయ్య, పెద్దమ్మ.. ఇలా ఫ్యామిలీలోని చాలా మంది గుర్తుకువచ్చి ఈ సినిమా చేసేందుకు ఒప్పుకున్నాను.

ప్రతి ఫ్యామిలీలో స్టార్ ఉంటాడు. ఆ స్టార్ ఫ్యామిలీ స్టార్, ఫ్యామిలీ స్టార్ లాంటి సినిమా నాకు దక్కడం, ఆ సినిమాను మీ ముందుకు నా ద్వారా తీసుకురావడం ఒక బ్లెస్సింగ్‌లా భావిస్తున్నా.

ఈ సినిమాలో నా పెర్ఫార్మెన్స్ నెక్ట్ లెవెల్ అని డైరెక్టర్ చెప్పారు.

కానీ నేను చేసిన పెర్ఫార్మెన్స్‌కు మొత్తం క్రెడిట్ పరశురామ్‌కే ఇవ్వాలి. ఫ్యామిలీ స్టార్ ఫ్యామిలీకి హెడ్ మా దిల్ రాజు గారు.

ఆయన ఈ సినిమా కోసం పోస్ట్ ప్రొడక్షన్స్ వర్క్స్, రిలీజ్ వర్క్స్ తో పాటు ప్రమోషన్‌లో మాతో అలుపులేకుండా తిరుగుతున్నారు.మాతో డ్యాన్సులు చేస్తున్నారు.

అలాగే ఈ సినిమాకు హార్ట్ అండ్ సోల్ పరశురామ్ గారు. ఆయన లేకుంటే ఈ సినిమానే లేదు. ఈ సినిమాకు ఎన్ని అవార్డ్స్ వచ్చినా ఆ క్రెడిట్ అంతా పరశురామ్ దే.

ఈ సమ్మర్ కు మా టీమ్ నుంచి మీకు ఇస్తున్న చిన్న గిఫ్ట్ ఫ్యామిలీ స్టార్. మీ ఫ్యామిలీస్‌తో కలిసి చూసి ఎంజాయ్ చేయండి’’ అని విజయ్ అన్నారు.

స్పీచ్ వరకు బాగానే ఉంది. కానీ, విజయ్ కి ఒక సక్సెస్ దక్కేసరికి మళ్లీ నిజస్వరూపం చూపిస్తున్నాడంటూ అప్పడే గుసగుసలు మొదలయ్యాయి.

 

Also Read This Article : శివమ్ మీడియా సంస్థ నుండి ‘సత్య’ టీజర్ విడుదల