నేషనల్ క్రష్ రష్మిక మందన్న, టాలెంటెడ్ హీరో దీక్షిత్ శెట్టి జంటగా నటిస్తున్న సినిమా ‘ది గర్ల్ ఫ్రెండ్’. రాహుల్ రవీంద్రన్ దర్శకత్వంలో రూపొందుతున్న ఈ చిత్రాన్ని ప్రముఖ నిర్మాత అల్లు అరవింద్ సమర్పణలో గీతా ఆర్ట్స్, ధీరజ్ మొగిలినేని ఎంటర్‌టైన్‌మెంట్ బ్యానర్స్ సంయుక్తంగా నిర్మిస్తున్నాయి. ధీరజ్ మొగిలినేని, విద్య కొప్పినీడి నిర్మిస్తున్నారు. ఇవాళ రష్మిక మందన్న బర్త్ డే సందర్భంగా సినిమా నుంచి శుభాకాంక్షలు చెబుతూ పోస్టర్‌ను విడుదల చేశారు. దీంతో పాటు టీజర్ సాంగ్ ‘రేయి లోలోతుల’ విడుదల చేశారు. ఈ పోస్టర్‌లో రష్మిక ఒక వారియర్‌లా కనిపిస్తోంది. చేతిలో కత్తి.. నడుముకి తుపాకీతో పవర్‌ఫుల్ లుక్‌లో మెస్మరైజ్ చేస్తోంది.
‘రేయి లోలోతుల’ పాటను మ్యూజిక్ డైరెక్టర్ హేషమ్ అబ్దుల్ వాహబ్ కంపోజ్ చేయగా.. రాకేందు మౌళి క్యాచీ లిరిక్స్ అందించారు. ఈ పాటకు విజయ్ దేవరకొండ గళం అందించడం విశేషం. ఇక మరో విశేషమేంటంటే.. ఈ పాటలో వచ్చే పోయెమ్‌ను రాహుల్ రవీంద్రన్ రాశాడు. ‘రేయి లోలోతుల సితార.. జాబిలి జాతర.. కన్నులలో వెన్నెలలే కురిసే.. మదిమోసే తలవాకిట తడిసే.. యెద జారెనే మనసు ఊగెనే.. చెలి చెంతలో జగమాగెనే, యెద జారెనే మనసా..’ అంటూ మంచి లవ్ ఫీల్ తో సాగుతుందీ పాట. పోస్ట్ ప్రొడక్షన్ కార్యక్రమాల్లో ఉన్న “ది గర్ల్ ఫ్రెండ్” సినిమా త్వరలోనే గ్రాండ్ థియేట్రికల్ రిలీజ్‌కు రెడీ అవుతోంది.
ప్రజావాణి చీదిరాల
