శ్రీ విష్ణు, కార్తీక్ రాజు కాంబోలో రూపొందుతున్న చిత్రం ‘సింగిల్’. ప్రతిష్టాత్మక నిర్మాణ సంస్థ గీతా ఆర్ట్స్ బ్యానర్‌లో హోల్సమ్ ఎంటర్‌టైనర్‌గా ఈ సినిమా రూపొందుతోంది. గీతా ఆర్ట్స్ మెగా ప్రొడ్యూసర్ అల్లు అరవింద్ సమర్పణలో కళ్యా ఫిల్మ్స్‌తో కలిసి చిత్రాన్ని విద్యా కొప్పినీడి, భాను ప్రతాప, రియాజ్ చౌదరి నిర్మిస్తున్నారు. ఈ సినిమా నుంచి సెకండ్ సింగిల్ ది ఫ్రస్టేషన్ యాంథమ్.. ‘సిరాకైంది సింగిల్ బతుకు’ తాజాగా విడుదలైంది. ఈ పాట ఒంటరి జీవితాన్ని ఒక వేడుకలా చూపిస్తుంది. ఈ పాటకు రామజోగయ్య శాస్త్రి అందించిన చమత్కారంతో కూడిన సాహిత్యం ఆకట్టుకుంటుంది. రాహుల్ సిప్లిగంజ్ ఓకల్స్ పాటకు మరో ప్లస్. శ్రీ విష్ణు, వెన్నెల కిషోర్‌తో కలిసి ఒంటరితనాన్ని హ్యుమర్‌కు జోడిస్తూ చెప్పడం హిలేరియస్‌గా ఉంటుంది. కేతికా శర్మ, ఇవానా ఈ చిత్రంలో హీరోయిన్స్‌గా నటించారు. ఈ సినిమా మే 9న ప్రేక్షకుల ముందుకు రానుంది.